Ergys Ahmetaj 21 vjeç, Andi Basha 18 vjeç dhe Gëzim Kusi 19 vjeç janë arrestuar ditën e sotme në Tiranë në kuadër të operacionit policor të koduar “Tentativa”.

Policia bën me dije se tre të rinjtë tentuan të përfitonin nëpërmjet mashtrimit një shumë të madhe parash nga një subjekt privat, duke u prezantuar si zyrtarë të lartë të institucioneve.

Mësohet se ata tentuan të mashtronin biznesin në mënyrë që të përfitonin shumën 40 000 euro.

Nga hetimet e kryera dyshohet se shtetasi F. Gj., 39 vjeç, i shpallur në kërkim gjatë operacionit “Subjekti”, i zhvilluar nga Policia e Shtetit në datën 10 janar të këtij viti, është bashkëpunëtor me 3 shtetasit e lartpërmendur, të cilët u arrestuan në flagrancë gjatë operacionit “Tentativa”. Vijon puna për kapjen e shtetasit F. Gj.”- njofton policia.

Në cilësinë e provës materiale u sekuestruan 89 400 euro të gjetura gjatë kontrolleve të banesave dhe aparatet celularë të autorëve të dyshuar.

Materialet i kaluan Prokurorisë për veprime të mëtejshme procedurale.

LEXONI GJITHASHTU: 

• Habit violonçelisti shqiptar: Skena e Sanremos më e vogël sesa Pallati i Kongreseve
• VIDEO| Shkatërrim, çfarë ka mbetur nga shpërthimi me tritol i hotelit në Sarandë