“Tërmet” në OKB, Izraeli përplaset me Sekretarin Guterres. Kërkohet dorëheqja e tij

Zyrtarët izraelitë kritikuan Sekretarin e Përgjithshëm të OKB-së, Antonio Guterres, të martën, pasi ai u duk se sugjeroi se shtysa për sulmin shkatërrues të grupit terrorist Hamas më 7 tetor mbi Izraelin ishte kontrolli i vazhdueshëm i shtetit hebre mbi territoret palestineze. Ambasadori i izraelit në OKB kërkoi që Antonio Guterres të jepte dorëheqjen.

“Është e rëndësishme të pranohet gjithashtu se sulmet nga Hamasi nuk ndodhën në vakum”, tha Guterres në një takim të Këshillit të Sigurimit të OKB-së mbi luftën Izrael-Hamas, e cila shpërtheu kur grupi terrorist sulmoi disa territore izraelite pranë kufirit me Rripin e Gazës, duke vrarë rreth 1,400 njerëz shumica dërrmuese e tyre civilë.

“Populli palestinez i është nënshtruar pushtimit mbytës për 56 vjet. Ata e kanë parë tokën e tyre të gllabëruar vazhdimisht nga vendbanimet dhe të rrënuar nga dhuna; ekonomia e tyre u mbyt; njerëzit e tyre të zhvendosur dhe shtëpitë e tyre të shkatërruara. Shpresat e tyre për një zgjidhje politike të gjendjes së tyre janë zhdukur, “tha Guterres.

Ministri i Jashtëm i Izraelit  anuloi takimin e planifikuar me Guterres. Pas asaj që ndodhi më 7 tetor, ai shkroi, “nuk ka vend për një qasje të barabartë. Hamasi duhet të fshihet nga faqja e dheut.” Shkroi shefi i doplomacise izraelite ne rrjetet sociale

Lideri i opozites Gantz, i cili iu bashku kabinetit qeveritare reagoj ashpër në rrjtete sociale gjithashtu: “Janë të errëta ditët kur Sekretari i Përgjithshëm i Kombeve të Bashkuara fal terrorin”.

“Absolutisht asgjë nuk mund të justifikojë masakrën e civilëve të pafajshëm,” shkroi ai. “Tani është koha për të qëndruar në anën e duhur të historisë, ose për t’u gjykuar nga ajo”- shtoi ai.

Ministria e Shëndetësisë e kontrolluar nga Hamasi thotë se sulmet kanë vrarë mbi 5,700 palestinezë deri më tani.

LEXONI GJITHASHTU:

• Izraeli bllokon vizat për zyrtarët e OKB-së pas komenteve të Guterres
• SHBA parlajmëron Iranin në OKB: S’duam konflikt, por do veprojmë të vendosur nëse…