Tërmet në policinë e Londrës, Raporti: Racizëm e homofobi! Femrat ngacmohen në punë

Një tërmet ka tronditur imazhin e Policisë Metropolitane të Londrës. Sipas një raporti të pavarur të hartuar pak kohë pas rrëmbimit, dhunimit dhe vrasjes së një gruaje të re nga një oficer, forca policore më e madhe në Britani vuan nga racizmi institucional dhe homofobia. Autorja e raportit, baronesha Louise Casey, e ka thënë këtë hapur.

“Mendoj se provat janë të qarta se policia metropolitane nuk mbron për shembull komunitetin me ngjyrë. Nëse shihni kontrollet rutinë, nëse shihni përdorimin e forcës, ajo nuk është në përpjesëtimin e duhur. Ndaj njerëzve me ngjyrë është më e theksuar se ndaj të bardhëve”, tha Casey.

Raporti zbulon histori shqetësuese sa i takon sjelljes së oficerëve. 12 për qind e oficereve femra janë ngacmuar dhe sulmuar në punë, por këto episode shpesh herë janë mbuluar ose minimizuar.

Edhe minoritetet janë tej mase të mbikëqyrura në rrugë dhe nuk u jepet mbrojtje. Përfundimet e raportit janë të zymta: gjysma e popullsisë nuk i beson Policisë Metropolitane, e cila nëse nuk reformohet rrezikon të shpërbëhet.

LEXO GJITHASHTU:

• Një ministre gjermane viziton Tajvanin pas 26 vjetësh, ‘kërcënon’ Kina
• Kishida në Kiev, kërcënon Moska: Bombarduesit rusë fluturojnë mbi Detin e Japonisë