Tërmeti i fortë në Filipine shkon në 72 viktima dhe 264 të plagosur

Numri i të vdekurve nga tërmeti me magnitudë 6.9 ballë që goditi ishullin Cebu të Filipineve është rritur në 72. Agjencia e mbrojtjes civile shtoi se 294 persona u plagosën.

Shumë ndërtesa u shembën, ura u shkatërruan si dhe u regjistruan ndërprerje të energjisë elektrike në zonat pranë epiqendrës së tërmetit. Më shumë se 170,000 njerëz u prekën nga lëkundjet ndërsa shumë që kanë refuzuar të kthehen në shtëpi nga frika nga lëkundjet pasuese.

Presidenti filipinez, Ferdinand Marcos Jr. fluturoi për në Bogo të enjten për të vlerësuar dëmet dhe për të ofruar ndihmë e mbështetje për të mbijetuarit. Vetëm disa ditë më parë, presidenti ishte në rajonin qendror pas një stuhie të fortë që la të paktën 37 të vdekur dhe goditi më shumë se gjysmë milioni njerëz, përfshirë provincën Cebu.