Theu masën e arrestit shtëpiak për të shitur drogë, arrestohet 41-vjeçari në Tiranë

Policia e Tiranës ka finalizuar me sukses operacionin e koduar “All Included”, duke arrestuar një 41-vjeçar që ndodhej në masën e sigurisë “Arrest në shtëpi” për veprimtari kriminale në fushën e narkotikëve.

I arrestuari, E.S., u kap në flagrancë jashtë banesës së tij, ku vazhdonte të shiste lëndë narkotike. Gjatë kontrollit personal dhe në banesën e tij, policia gjeti dhe sekuestroi:

•  103 gramë kokainë të ndarë në doza për shitje
•  940 euro dhe 23,000 lekë, që dyshohet se janë përfituar nga aktiviteti kriminal
•  Një armë të ftohtë, një bllokues valësh, një radio policie dhe municion luftarak

Njoftimi i policisë

Në vijim të punës për goditjen e veprimtarisë kriminale në fushën e prodhimit dhe shitjes së lëndëve narkotike, bazuar dhe në informacionet e siguruara nga inteligjenca informative, për një shtetas që shiste lëndë narkotike, në doza, Komisariati i Policisë Nr. 2, në bashkëpunim me Seksionin për Hetimin e Narkotikëve, organizoi dhe finalizoi operacionin policor të koduar “All included”, si rezultat i të cilit u arrestua shtetasi E. S., 41 vjeç, banues në Tiranë.

Shërbimet e Policisë kanë kapur në flagrancë në rrugë, shtetasin E. S., i cili kishte dalë nga banesa në kundërshtim me vendimin e Gjykatës, që i kishte caktuar atij, masën e sigurisë “Arrest në shtëpi”, për veprën penale “Prodhimi dhe shitja e narkotikëve”.

Gjatë kontrollit fizik ndaj 41-vjeçarit dhe kontrollit në banesën e tij, shërbimet e Policisë gjetën dhe sekuestruan në cilësinë e provës materiale:

•  103 gramë kokainë, të ndarë në doza për shitje
•  23,000 lekë dhe 940 euro, që dyshohet se janë përfituar nga shitja e narkotikëve
•  1 armë të ftohtë, 1 bllokues valësh, 1 radio policie, municion luftarak dhe sende të tjera të kundërligjshme.

Materialet procedurale iu referuan Prokurorisë së Tiranës për veprime të mëtejshme.

LEXONI GJITHASHTU:

• Emri/ Të shtëna me armë zjarri në Kamëz, plagoset 25-vjeçari
• Kërkoi lirimin nga qelia, Apeli i GJKKO merr vendimin për “bosin e mikrokredive”