Threads| Prezantohet aplikacioni i Metës me nofkën “vrasësi i Twitter”

Pronari i kompanisë Meta, Mark Zuckerberg, i cili zotëron Facebook dhe Instagram, ka prezantuar aplikacionin Threads, i cili pritet të jetë konkurrenti kryesor i Twitter.

Shumë e kanë quajtur këtë aplikacion “vrasësi i Twitter”, pasi do të funksionojë në mënyrë të ngjashme, me postime të bazuara në tekst që mund të pëlqehen, komentohen dhe shpërndahen.

Përdoruesit do të mund të ndjekin llogaritë që ndjekin tashmë në Instagram, si dhe të ruajnë emrin e përdoruesit, ndaj Meta shpreson që ky integrim me aplikacionet e tjera të tyre të kontribuojë në popullaritetin e Threads.

Sipas New York Times, Mark Zuckerberg ka qenë prej kohësh i interesuar në eliminimin e Twitter nga gara dhe për të siguruar një pozicion si pronar i platformave qendrore kur bëhet fjalë për bisedat online.

“Mirë se erdhe në Threads”, shkroi Zuckerberg në postimin e tij të parë në aplikacion, së bashku me një emoji zjarri.

Zuckerberg njoftoi se ky rrjet social regjistroi pesë milionë aplikues në katër orët e para të ekzistencës së tij.

LEXONI GJITHASHTU:

• Mark Zuckerberg bëhet baba për herë të tretë, ndan foton e parë me vajzën
• Shkurtimet e Meta, Zuckerberg largon nga puna 10.000 punëtorë