“TiK Tok nuk do shitet në SHBA”- Kompania kineze ankimon vendimin e senatit amerikan

Kompania kineze ByteDance, e cila e ka në pronësi TikTok-un, ka thënë se nuk e ka ndër mend ta shesë aplikacionin e famshëm që është kthyer në një mollë sherri në kohët e fundit. Ky vendim i kompanisë vjen pasi Senati amerikan miratoi një ligj sipas të cilit TikTok-u duhet të shitet, ose do të ndalohet në Amerikë.

“ByteDance nuk ka plane për ta shitur TikTok-un. Raportimet në mediat e huaja për shitjen e TikTok-ut nga ByteDance janë të pavërteta.”, tha kjo kompani në llogarinë e vet zyrtare në Toutiao.

Në fillim të kësaj jave, TikTok-u tha se do të ankohet në gjykatë kundër ligjit që e cilëson si jokushtetues.

Presidenti amerikan, Joe Biden, e nënshkroi të mërkurën ligjin i cili do ta ndalojë TikTok-un në Shtetet e Bashkuara, nëse pronari i saj ByteDance nuk e shet atë brenda një viti.

Ligjvënësit nga të dyja partitë në SHBA – si dhe zyrtarët ligjorë dhe të inteligjencës – kanë shprehur shqetësime se autoritetet kineze mund ta detyrojnë ByteDance-in t’ia dorëzojë të dhënat e më shumë se 170 milionë amerikanëve që e përdorin TikTok-un.

Shqetësimet e tyre burojnë nga një sërë ligjesh kineze të sigurisë kombëtare – të cilat i detyrojnë organizatat ta ndihmojnë vendin në grumbullimin e të dhënave.

LEXONI GJITHASHTU:

• SHBA miratoi ligjin për ndalimin, Tik Tok zotohet “të luftojë” vendimin
• VIDEO| Reperi shqiptar goditet me grushte dhe karrige teksa ishte live në Tik Tok