Tirana edhe më pranë trofeut, bardheblutë mposhtën Laçin, Egnatia siguron Europën

Tirana mposhti në transfertë Laçin duke u afruar më pranë titullit kampion të Superligës Shqiptare.

Bardheblutë vijojnë të udhëheqin kampionatin, ndërsa në vendin e dytë renditet Partizani me 2 pikë më pak, ndërsa mbeten dhe dy ndeshje deri në fundin e sezonit.

Bardheblutë fituan ndaj Laçit me rezultatin 1-3, me Hasanin që gjeti golin numër 16 në kampionatin shqiptar. Ishte pikërisht sulmuesi që zhbllokoi rezultatin më pas një dygolësh i Hilës që çuan rezultatin në 0-3, ndërsa Guindo shënoi golin e vetëm për laçjanët.

Në përballjen e luajtur në kryeqytet, Partizani likujdoi Vllazninë 2-1, me golat e Sotës e Rrapajt, ndërsa Balaj shënoi për shkodranët. Të kuqtë kanë aktualisht 61 dhe renditen në vendin e dytë në tabelën e klasifikimit. Historike ishte arritja e Egnatias, e cila siguroi një biletë për në kompeticionet evropiane, ku të dielën mposhti Erzenin në një përballje që prodhoi 5 gola. Dwamena ishte heroi i Rrogozhinave, ndërsa objektivat sezonale tashmë janë të arritura.

Sa i përket fundit të tabelës, Kastrioti u mposht minimalisht nga Teuta në Niko Dovana, ndërsa Bylis barazoi me Kukësin në shtëpi.

LEXONI GJITHASHTU:

• S’ka fitues në derbi, Tirana e Partizani ndajnë pikët, java e 33 e Superligës
• Përleshje mes tifozëve pas derbit Tirana-Partizani, disa të lënduar