Tirana triumfon në Taekwando, 180 sportistë nga 8 ekipe në Kupën e Republikës 

Vlora mirëpriti kupën e 29 të Republikës në Taekwando. 180 sportistë nga 8 ekipe u përballën në  pallatin e sportit “Flamurtari”, nga mosha 4 deri në 38 vjeç

Për kreun e Federatës interesi është gjithnjë e më i lartë.

“Duke filluar nga viti 95′ që kam filluar për herë të parë, ka pasur rritje sigurisht dhe e shohim te gocat, e kemi pasur shumë të vështirë të futeshin gocat, siç e shikon ka shumë goca nga lloj-lloj moshash”, thotë Ardian Caushi, kreu i Federatës së Taekwando.

Përparim Kamberaj, trajner i Flamurtarit tregon se pas 5 viteve inaktiv, këtë herë vendosi të garonte edhe si sportist.

“Do të doja që më shumë reflektorë të drejtoheshin nga të gjitha elementët që kanë reflektorëve informimit në vend, të drejtoheshin nga ky art sepse nuk promovon dhunën po i bën njerëzit të ndihen të fortë”, shprehet Përparim Kamberaj, trajner i Flamurtarit.

Xhekson Titini prej 7 vitesh është kampion në kategorinë 18-36 vjeç, ndërsa tashmë ka fituar aftësi edhe si trajner.

“Po bëj gati 14 vite që merrem me eksperiencën e Taekwondo, ku katër vite e gjysmë kam si sportist dhe me pas jam trajner i ekipit të Tiranës dhe kam 7 vite që jam kampion i kategorisë 18- 36. Eksperienca më e bukur është për disiplinë dhe jam rritur dhe edukuar për të mësuar artin e Taekwondo për fëmijët nga mosha 4 por edhe deri në 55 vjeç”, thotë Xhekson Titini.

Sportistet vajza disiplina dhe vetëmbrojtja i ka afruar me këtë art marcial.

“E kam zgjedhur për të mbajtur trupin në formë dhe për t’u marrë me diçka jashtë shkollës. Nga Fieri dhe kam 6 muaj që kam filluar”, shprehet një vajzë.

Pjesëmarrës në këtë garë ishin edhe prindërit e sportistëve nga qytete të ndryshme.

Kupa e Shqipërisë u fitua nga skuadra e Tiranës.

LEXONI GJITHASHTU:

• “Ndeshja me Dinamon, e shitur”-Gazetari: Flamurtari do i drejtohet Prokurorisë
• FOTO| Shpallet kompania fituese e projektit për stadiumin “Flamurtari” në Vlorë