Tjetër goditje Hezbollahut, forcat speciale izraelite arrestojnë komandon e lartë

Forcat speciale të marinës izraelite kanë kapur një eksponent të rëndësishëm të Hezbollahut në Liban.

Një zyrtar i ushtrisë hebraike deklaroi se personi i arrestuar nga komandot është marrë në Izrael për t’u marrë në pyetje nga shërbimet e inteligjencës.

Agjencia e lajmeve “Axios” citoi burime izraelite të thoshin se i arrestuari quhet Imad Amhaz dhe është përgjegjës për operacionet detare të Hezbollahut.

Kryeministri në detyrë i Libanit, Naxhib Mikari i kërkoi ministrit të Jashtëm të dorëzojë një notë proteste në Këshillin e Sigurimit të OKB-së.

Hezbollahu dhe Izraeli kanë shkëmbyer zjarr thuajse çdo ditë që nga nisja e luftës në tetor të vitit të kaluar.

Konflikti, që ka zhvendosur dhjetëra mijëra njerëz në të dy anët e kufirit, u kthye në një luftë totale më 1 tetor të këtij viti, kur trupat izraelite ndërmorën një operacion tokësor në jug të Libanit.

Në vend ndodhen rreth 15  mijë ushtarë.