“Toka e atij që e punon”, Rama tregon si bëhen regjistrimet nëse s’ka letra

Në një sërë raportesh dhe analizash të Ministrisë së Bujqësisë, mungesa e dokumentacioneve të pronësisë cilësohet si një prej pengesave kryesore të realizimit të investimeve në ndihmë të fermerëve.

Këto pengesa nuk janë tejkaluar as nga ligji i miratuar në 2020 për përfundimin e proceseve kalimtare të pronësisë. Ligji në fjalë u jep tituj pronësie të gjithë fermerëve që zotërojnë akte të marrjes në përdorim të tokës, sipas ligjit 7501.

Qeveria është duke menduar një tjetër zgjidhje. Kryeministri Edi Rama thotë se po shikohet mundësia që pronësia të njihet mbi bazë të faktit, pra atij që e punon tokën. 

 “Zgjidhja që ne do t’i japim është që në qoftë se vjen dikush dhe thonë do bëjmë një investim X për zhvillimin bujqësor apo blegtoral, ne do t’ia regjistrojmë atë copë toke që është për këtë aktivitet,” – u shpreh Rama.

Nëse për tokën e regjistruar sipas kësaj formule shfaqen pretendime pronësie nga persona të tretë, atëherë shteti do të marrë në mbrojtje investitorin. 

 “Personi e merr, e gëzon atë përgjithmonë në bazë të faktit. Po që se dikush tjetër del dhe e pretendon, me të do merret shteti, nuk merret më personi dhe kështu jemi në rregull,” – tha kryeministri.

LEXONI GJITHASHTU:

• Rama: Tokën pa dokumente që pengon investimet, do ua kalojmë investitorëve
• Rama s’do u besojë rikandidimin rreth 60% të kryebashkiakëve