Tom Doshi sqaron arsyet për lënien e mandatit: I gatshëm të bashkëpunoj me PS-në

Lideri i Partisë Social-Demokrate Tom Doshi përmes një deklaratë për shtyp ka sqaruar arsyet që çuan në vendimmarrjen për heqjen dorë nga mandati i deputetit.

Në deklaratën që i drejtohet antarëve të PSD-së, mbështetës, aktivistëve Doshi i garanton se ka hequr dorë nga mandati, por jo nga Partia Social-Demokrate dhe as nga angazhimi politik për përmbushjen konstante të premtimeve të dhëna.

Z. Doshi sqaron se arsyeja e këtij vendimi është që të mbrojë emrin e tij, që siç thotë është lakuar në mënyrë tendencioze kohët e fundit, dhe për këtë do që të jetë i çliruar plotësisht i çliruar nga mandati i deputetit.

“Ky vendim është marrë vetëm sepse së bashku me një ekip me njerëz të rinj, të përkushtuar dhe me integritet, kemi arritur objektivat që i kishim vu vetes, pra mobilizimi jonë e dha rezultatin e vet, u impenjova për fitore dhe e arritëm fitoren.

Ndërkaq në një deklaratë të shkurtër për mediat, Tom Doshi mohoi një koalicion të mundshëm me Partinë Demokratike ndërkohë që u tregua i gatshëm për bashkëpunim me Partinë Socialiste.