Topollaj: Partia e Metës klienteliste, ka përdorur pushtetin për të pasuruar veten

Kryetari i Partisë Bindja Demokratike, Fabian Topollaj e ka cilësuar si klienteliste, partinë e Ilir Metës.

Në një intervistë për Euronews Albania, Topollaj nënvizoi se Lëvizja Socialiste për Integrim, sot Partia e Lirisë, ka pasur mundësinë që të luante rolin e një partie që mund të ruante balancat në vend, por bëri të kundërtën.

“Partia e zotit Meta ka mbajtur vulën e një partie klienteliste në Shqipëri, e cila pavarësisht se ka pasur mundësinë që të luante rolin e një partie që ruante balancat, më tepër i ka prishur se i ka ruajtur. Ka qenë një parti klienteliste që e ka përdorur pushtetin për të pasuruar veten dhe përmes pasurimit mund të investonte për të marrë pushtet nga e para.

Nga ky koncept, ne nuk kemi asnjë lidhje me mënyrën se si funksionon partia e zotit Meta. Por e njëjta gjë mund të thuhet edhe për Partinë Demokratike që sot ndodhet në pikë të hallit. Një parti e madhe politke e cila është ndarë në dy fraksione të mëdha. Me këtë lloj modeli, nuk kemi lidhje me asnjërën palë”, theksoi ai.

Bindja Demokratike do të garojë e vetme në zgjedhjet lokale që do të zhvillohen më 14 maj të vitit 2023.

LEXONI GJITHASHTU

• Koalicion me Berishën dhe Metën? Flet kryetari i Bindjes Demokratike
• Zgjedhjet lokale, emrat e kandidatëve të mundshëm për primaret e PD-së
• Gara për Tiranën brenda PD, në pritje për konfirmim Julian Deda dhe Ilir Alimehmeti