Tornado në SHBA, vdes një person pasi shembet çatia e një teatri

Një person ka humbur jetën dhe dhjetëra të tjerë janë plagosur pasi një stuhi shkatërroi çatinë e një teatri në Illinoi të SHBA-së.

Rreth 260 persona ishin brenda teatrit Apollo, kur çatia u rrëzua në orën 19:55, tha departamenti lokal i zjarrfikësve.

Shefi i zjarrfikësve, Shawn Schadle, u tha gazetarëve se 28 persona u dërguan në spital, ndërsa pesë prej tyre ishin në gjendje të rëndë.

Një seri tornadosh të fuqishme u regjistruan në disa shtete amerikane të premten, duke lënë të vrarë të paktën katër persona në vend, shkruan Radio Evropa e Lirë.

Dëme të shumta u raportuan në pjesën e jugut dhe të perëndimit. Shtetet e Arkansasit dhe Misurit shpallën gjendje të jashtëzakonshme. Dhjetëra mijëra njerëz mbetën pa energji elektrike.

LEXONI GJITHASHTU:

• VIDEO| Momenti kur tornadoja shkatërron shkollën në Misisipi
• Përsëritet tragjedia në SHBA, 5-vjeçari vret me armë vëllain 16-muajsh