Toyota tërheq 1 mln automjete në SHBA për shkak të defektit të sensorëve të airbag 

Toyota Motors tha sot se do të tërheqë një milion automjete të saj në Shtetet e Bashkuara për shkak të një defekti në një sensor që mund të shkaktojë një qark të shkurtër dhe çaktivizimin e airbagëve.

Tërheqja mbulon automjetet nga viti 2020 deri në vitin 2022 që përfshijnë modele të ndryshme të hibrideve Avalon, Camry, Corolla, RAV4, Lexus ES250, ES300H, ES350, RX350 Highlander dhe Sienna për shkak të defekteve të sensorëve, raporton Reuters.

Sensorët sigurojnë që jastëkët e ajrit të mos hapen nëse një i rritur ose fëmijë i vogël është ulur në ndenjësen e përparme dhe tregtarët do të inspektojnë dhe zëvendësojnë sensorët nëse është e nevojshme.