Tragjedi në koncertin e “Oasis”, 40-vjeçari bie nga stadiumi Wembley dhe humb jetën

4 Gusht 2025 | 14:39

Yjet e Britpopit, Oasis, thanë të dielën se anëtarët e tyre janë “të tronditur dhe të trishtuar” pasi një burrë u rrëzua dhe vdiq gjatë një koncerti të grupit në stadiumin Wembley të Londrës.

Tragjedia ndodhi të shtunën në mbrëmje dhe raportet thonë se fansi ra nga kati i sipërm i stadiumit me kapacitet 90,000 vende.

 “Oasis dëshiron t’u shprehë ngushëllimet tona të sinqerta familjes dhe miqve të personit të përfshirë”- ka thënë në një deklaratë për mediat grupi legjendar.

Ndërkohë policia e cila ka konfirmuar lajmin të dielën tha se të pranishmit në stadium duhet të tregohen të gatshëm për të ndihmuar policinë nëse kanë ndonjë pamje filmike nga momenti kur ka ndodhur rënia e 40-vjeçarit i cili humbi jetën në vend.

Koncerti i së shtunës në mbrëmje ishte i katërti në një seri prej pesë shfaqjesh në Wembley për Oasis – i fundit ishte mbrëmë.

Grupi do të vazhdojë të japë tre shfaqje në Edinburg dhe dy në Dublin përpara se të niset përtej Atlantikut për pjesën e Amerikës së Veriut të turneut të ribashkimit Oasis Live ’25 .

 Më pas, ata do të kthehen në Mbretërinë e Bashkuar për dy shfaqjet e fundit në Wembley në shtator, dhe është raportuar se aktualisht janë duke u zhvilluar negociata për ta sjellë turneun me bileta të shitura në Evropë.

 

Home Kryefaqja
Shiko në: YouTube
Lajme të Sugjeruara

Rritet ndjeshëm trafiku detar në Ngushticën e Hormuzit, niveli më i lartë pas luftës SHBA-Iran

Trafiku i anijeve tregtare në Ngushtica e Hormuzit ka shënuar rritje të ndjeshme, duke arritur nivelin më të lartë ditor që nga fundi i shkurtit....
20:04 | 25/06/2026

Moti ekstrem, OBSH: Vala e të nxehtit në Europë është emergjencë shëndetësore

Temperaturat ekstreme që kanë përfshirë Europën po kthehen në një kërcënim serioz për shëndetin publik. Teksa vala e të nxehtit po shkakton viktima në disa...
19:08 | 25/06/2026

SHBA mobilizon ndihma për Venezuelën pas tërmeteve vdekjeprurëse

Komanda Jugore e Shteteve të Bashkuara (SOUTHCOM) njoftoi se po bashkëpunon me Departamentin Amerikan të Shtetit dhe partnerë ndërkombëtarë për të mbështetur operacionet e ndihmës...
18:53 | 25/06/2026