Tragjedia me 21 viktima në Itali, pamje nga momenti kur autobusi bie nga ura

Mediat e huaja kanë publikuar pamje nga momenti i aksidentit të autobusit në Itali, ku humbën jetën 21 persona, ndërsa u plagosën dhe dhjetëra të tjerë.

Automjeti është përplasur pasi ka prekur telat e energjisë elektrike, duke rënë nga një lartësi rreth 30 metra.

Pasi përplaset, autobusi bie nga ura në zonën e Mestres.

Mes viktimave kishte dhe fëmijë të sapolindur ndërsa mësohet se 15 persona kanë mbetur të plagosur, ku një pjesë e tyre ndodhet në terapi intensive.

Në bordin e autobusit kishte një grup turistësh të huaj, përfshirë ukrainas, francezë, kroatë dhe gjermanë, të cilët po ktheheshin në Marghera pasi kishin qenë në Venecia.

LEXONI GJITHASHTU: 

• Rusia dënon në mungesë gazetaren që protestoi kundër luftës në Ukrainë
• Pajtimi i politikës për Kosovën, Bardhi dhe Çuçi flasin për rezolutën e përbashkët