Tragjedia në Vilë-Bashtovë/ Vrojtuesi i plazhit: Përgjegjësia, mbi administratorin

Vrojtuesi i plazhit Festim Sula ishte i ftuar këtë të hënë në Euronews Albania për të folur rreth ngjarjes së rëndë të ndodhur një ditë më parë në zonën e Vilë –Bashtovës në Kavajë, ku humbën jetën babai me dy djemtë e tij të mitur.

Në këtë zonë është vënë re mungesa e vrojtuesit të plazhit, gjë që mund të kishte qenë një ndihmë për tre personat të cilët humbën jetën. sula tha se përgjegjësia për sigurinë në plazh bie mbi administratorin që e ka marrë këtë zonë në përdorim, por edhe mbiministrinë e cila duhet të monitoronte nëse administratori  i plazhit ofronte siguri për pushuesit.

“Ministria ka përgjegjësinë e kontrollimit të dokumentacionit, nëse vrojtuesi i plazhit është qapo jo në vendin e punës,  ndërsa e gjithë përgjegjësia bie mbi personin që ka marrë në përdorim rërën. Aty bie e gjithë përgjegjësia.

Ai është përgjegjës bashkë me ministrin, pasi ministria monitoron  nëse i plotëson të gjitha kushtet e sigurisë apo jo. Ministria në rast se nuk garantohet siguria e pushuesit në bregdet, ministria nuk duhet ta lejojë të funksionojë si stacion plazhi”,-tha për Euronews Albania Festim Sula.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Kërkesa për Ahmetajn, Beci: Kushtetuta s’lejon efektin surprizë, i pastruan shtëpitë
• Përcillen për në banesën e fundit babai dhe dy djemtë që u mbytën në Vilë-Bashtovë