Trajneri i Zvicrës zbulon nëse Xherdan Shaqiri do të luajë kundër Serbisë

Trajneri i Zvicrës, Murat Yakin ka dhënë deklaratën e tij në prag të ndeshjes vendimtare kundër Serbisë, e cila do të zhvillohet të premten në orën 20:00.

Yakkin ka zbuluar se mesfushori me origjinë shqiptare, Xherdan Shaqiri është gati për të luajtur në këtë sfidë.

Gjithashtu, i gatshëm është edhe mesfushori tjetër Noah Okafor për të cilin kishte dyshime.

“Shaqiri dhe Okafor janë gati për të luajtur nesër, ndërsa Yann Sommer dhe Nico Elvedi janë të ftohur, por edhe ata të dy do të jenë në formë nesër”, ka thënë Yakin.

Zvicra ka tre pikë dhe ndodhet në vendin e dytë në grupin G, ndërsa Serbia renditet e fundit me një pikë.

LEXONI GJITHASHTU

• Kualifikohet Maroku, Kroacia eliminon Belgjikën e Lukakut
• Alkool në Kupën e Botës? Shqiptari flet për atmosferën në Katar
• Humbja e Polonisë, Lewandowski: Argjentina ishte superiore