Fermerët francezë u kthyen për të bllokuar Parisin me traktorët e tyre, në prag të eventit të shumëpritur Salloni i Agrikulturës.
Disa prej tyre kërcënuan me bllokimin e panairit, ndër më të mëdhenjtë në botë, për t’u kujtuar qeverisë franceze se premtimet e bëra pak javë më parë nuk janë përmbushur.
Në Spanjë, përmasat e protestës së fermerëve u rritën. Në qytete të ndryshme si Leon, Teruel dhe Pamplona qindra fermerë dolën në rrugë për të kërkuar çmime më të lira dhe një akord të gjelbër më të leverdishëm. E ndërsa protesta e tyre zgjat prej javësh, të hënën sindikatat planifikojnë ta zhvendosin atë në Madrid.
Ndërkohë, në Moldavi, fermerët bllokuan përkohësisht kalimin kufitar me Rumaninë, për të kërkuar kompensime dhe subvencione nga qeveria. Më vonë, manifestuesit e braktisën pikën e kalimit, edhe pse nuk ishte hera e parë që protestonin në këtë formë.
LEXONI GJITHASHTU:
- Me traktorë para Parlamentit, fermerët në Greqi protestojnë kundër çmimit të naftës
- Fermerët polakë bllokojnë kufirin me Ukrainën për shkak të mospajtimeve për grurin
