Transporti i grurit ukrainas, Zelensky: Po kërkojmë alternativa të reja

Kievi zyrtar po kërkon alternativa ndaj korridorit të kalimit të drithërave. Kështu ka deklaruar presidenti Volodymyr Zelensky, i cili të premten zhvilloi bisedime me zyrtarë të shumtë qeveritarë dhe ushtarakë. Zelensky nuk dha shumë detaje, por nënvizoi se Ukraina duhet të mbetet vend garant i sigurisë ushqimore.

“Sa i takon alternativave për eksportin e grurit përmes korridorit tranzit, ne po bëjmë ç’është e mundur për t’u siguruar që Ukraina të mbetet një garantuese e sigurisë ushqimore dhe që të ketë akses në tregun global”, tha Zelensky.

Sa i takon situatës në terren, ushtria ruse ka raportuar një sukses të kufizuar në zonën e Kupianskut, në rajonin e Kharkovit. Më herët, Kievi kishte urdhëruar një evakuim të detyruar të civilëve nga zona.

Ndërkohë, vetë presidenti Zelensky ka shkarkuar nga detyra oficerët e ushtrisë përgjegjës për rekrutimin, nën akuzën e korrupsionit.

LEXONI GJITHASHTU:

• Zelensky shkarkon shefat e të gjitha qendrave të rekrutimit për luftë
• Luftime të ashpra në Ukrainë, Rusia sulmon Zaporizhian. Zelensky jep lajmin e mirë