Transporti publik reduktohet me 30% nga e hëna, shoqatat kërkojnë lehtësi për naftën

Nga dita e hënë, flota e autobusëve të transportit publik do të reduktohet me 30% nëse nuk do të ketë reagim nga institucionet lidhur me rritjen e çmimit të karburantit. Në një deklaratë për mediat, shoqatat që përfaqësojnë operatorët ekonomikë u shprehën se po përballen me vështirësi të shumta për shkak të rritjes së kostove, ndërsa deri më tani nuk kanë marrë asnjë reagim nga institucionet qendrore apo vendore.
Ata paraqitën tre kërkesa, të cilat synojnë garantimin e vijueshmërisë së këtij shërbimi në interes të qytetarëve: rishikimin e barrës fiskale mbi karburantin, veçanërisht në drejtim të akcizës dhe taksës së qarkullimit; hartimin e një politike të veçantë për sektorin e transportit publik, përfshirë heqjen e TVSH-së; si dhe aplikimin e mekanizmave subvencionues ose kompensues.

Përfaqësuesit e shoqatave theksuan se, pavarësisht kërkesave të vazhdueshme drejtuar institucioneve përgjegjëse, deri në këtë moment nuk janë ndërmarrë masa konkrete për përballimin e situatës. “-shprehet një operator.

Kërkesa vjen në një kohë kur çmimet e naftës në pompë kanë kaluar shifrën 210 lekë për litër, nga 175 lekë që ishte në muajin shkurt.