Tre avionë rusë hynë në Estoni, forcat ajrore italiane i zmbrapsën

Tre avionë luftarakë rusë të tipit MiG-31 kanë shkelur hapësirën ajrore të Estonisë, duke alarmuar forcat ajrore të NATO-s në rajon. Sipas burimeve të cituara nga Politico, avionët rusë janë përballur dhe më pas janë zmbrapsur nga avionë F-35 të Forcave Ajrore Italiane, të dislokuar në kuadër të misionit të Aleancës për mbrojtjen e hapësirës ajrore të Baltikut.

Avionët MiG-31, të cilët janë interceptues të avancuar me kapacitet për të mbajtur raketën hipersonike ruse Kinzhal, dyshohet se ishin drejtuar në drejtim të kryeqytetit estonez, Tallinn, përpara se të ndaloheshin nga përgjigjja e menjëhershme e avionëve italianë.

Ky incident vjen në një kohë tensionesh të shtuara mes NATO-s dhe Rusisë, ndërsa vendet baltike mbeten një pikë strategjike dhe e ndjeshme në kufijtë lindorë të Aleancës.

LEXONI GJITHASHTU:

• Tha se “po e arrestonin”, Shima sqaron SMS-në që i dërgoi të dashurës: Ishim zënë
• “Shpenzoni për mbrojtjen”, Rutte: Investoni 5% të GDP, ose filloni të mësoni rusisht