Treni përplaset me zjarrfikësen në SHBA, 15 të plagosur

Një tren i linjës Brightline është përplasur me një zjarrfikëse të shtunën në mëngjes në Delray Beach, Florida, ku për pasojë u plagosën 3 zjarrfikës dhe 12 pasagjerë të trenit, njoftuan zyrtarët e qytetit.

Tre zjarrfikësit e plagosur nga Delray Beach u dërguan në një spital lokal, ku ndodhen aktualisht në gjendje të qëndrueshme shëndetësore.

Dy prej zjarrfikësve fillimisht u raportuan në gjendje kritike, por gjendja e tyre u përmirësua. Përveç zjarrfikësve, 12 pasagjerë nga treni u dërguan në spital me lëndime të lehta, me ndihmën e ekipit të shpëtimit të zjarrit të Palm Beach County.

Aksidenti ndodhi rreth orës 10:45 paradite, në shinat e East Atlantic Avenue, pranë Railroad Avenue, sipas autoriteteve. Sipas Delray Beach Fire Rescue, zjarrfikësit ishin në rrugë për t’u përgjigjur një thirrjeje kur ndodhi aksidenti.

Autoritetet po hetojnë nëse portat e kalimit hekurudhor ishin funksionale në momentin e incidentit dhe ende nuk kanë konfirmuar detaje rreth shkakut specifik të aksidentit.

From the Brightline Safety and Security Team: Railroad safety is a community wide effort. For everyone’s safety, never drive around crossing gates when they are down. pic.twitter.com/6TSeHHOuyq

— Brightline (@GoBrightline) December 29, 2024

LEXONI GJITHASHTU:

• Avioni Hamburg-Prishtinë pëson defekt, bën ulje emergjente në Beograd
• Makinisti hidhet nga treni në lëvizje! Bllokohen mijëra udhëtarë në Francë