Trump do publikojë taksat, Komisioni Parlamentar voton pro zbardhjes së dokumenteve

Një komision i Kongresit amerikan ka votuar pro publikimit të dokumenteve që tregojnë shlyerjen e taksave nga Donald Trump, të cilat ish-presidenti është përpjekur t’i mbajë të fshehta.

Dokumentet mund të ofrojnë një mundësi për mbikëqyrjen nga afër të financave të Trump, i cili është autopromovuar si një biznesmen inteligjent.

Gjithashtu, ato mund të zbulojnë detyrimet financiare të tij, përfshirë borxhet e jashtme që mund të kenë influencuar mënyrën e qeverisjes.

Votimi ishte shansi i fundit për demokratët për të publikuar dokumentet financiare të Trump, përpara se republikanët të marrin nën kontroll Senatin vitin e ardhshëm.

Lëvizja vjen njëkohësisht në një moment të vështirë për ish-presidentin, që shpreson të garojë sërish për Shtëpinë e Bardhë.

“Organizata Trump” u dënua së fundmi për mashtrime financiare dhe më herët gjatë javës komisioni parlamentar për kryengritjen e 6 janarit i rekomandoi Departamentit të Drejtësisë të ngrejë akuza ndaj ish-presidentit për përpjekjet për të zhbërë rezultatin e zgjedhjeve presidenciale të 2020-s.

LEXONI GJITHASHTU

• 4 akuza kundër Trump-it, Komisioni Parlamentar çon për hetim ish-presidentin
• Një komitet i Kongresit Amerikan rekomandon katër akuza penale kundër Trump
• Zbardhen dokumentet e Trump, të dhënat mbi shlyerjen e taksave në duart e Kongresit