Trump do takohet me udhëheqësit evropianë, Zelensky do bashkohet virtualisht

Presidenti ukrainas Zelensky do t’i bashkohet takimit të sotëm midis Trump dhe udhëheqësve evropianë virtualisht nga Berlini.

Thirrja vjen përpara takimit të presidentit amerikan me presidentin rus Vladimir Putin në Alaska të premten, për atë që Shtëpia e Bardhë thotë se do të jenë bisedime “kokë më kokë”.

Zelensky thotë se Ukraina do të refuzojë çdo propozim rus për të hequr dorë nga rajoni i Donbasit në këmbim të një armëpushimi, duke paralajmëruar se kjo mund të përdoret si trampolinë për sulme të ardhshme. Trump ka thënë se çdo marrëveshje paqeje do të përfshijë “një shkëmbim territoresh” dhe besohet se një nga kërkesat e Putinit është që Kievi të dorëzojë pjesët e Donbasit që ende kontrollon.

Zëdhënësi i Zelensky-t tha se ai do të zhvillojë gjithashtu një takim dypalësh me kancelarin gjerman Friedrich Merz gjatë vizitës.

Rusia aktualisht kontrollon pak më pak se 20% të territorit të Ukrainës – nuk ka dalë asnjë detaj zyrtar se çfarë kërkesash mund të bëjë Putini kur të takohet me Trumpin.

LEXONI GJITHASHTU:

• Mbi 73 të vrarë në 24 orë në Gaza, të mbijetuarit: Plumbat fluturonin pranë nesh
• BE-ja në kërkim të rolit të saj para samitit Trump-Putin në Alaskë