Trump: Do të hetojmë George Soros sipas ligjit RICO

Presidenti i Shteteve të Bashkuara, Donald Trump, ka rikonfirmuar synimin e tij për të hetuar financierin miliarder George Soros, duke e akuzuar atë për përfshirje në organizimin e protestave të dhunshme në SHBA. Në një intervistë për Fox News, Trump deklaroi se çështja do të trajtohet si një rast RICO, një ligj federal që përdoret kundër organizatave të strukturuara kriminale.

“Do ta shqyrtojmë rastin e Sorosit, sepse mendoj se është një rast RICO kundër tij dhe njerëzve të tjerë. Sepse kjo është më shumë sesa thjesht protesta. Ky është një agjitacion i vërtetë,” tha ai.

Trump kishte bërë komente të ngjashme edhe më 27 gusht në platformën e tij Truth Social, ku shkroi:
“Ne nuk do t’i lejojmë më këta të çmendur ta shkatërrojnë Amerikën. Soros dhe grupi i tij i psikopatëve i kanë shkaktuar dëme të mëdha vendit tonë!”

Ligji RICO (Racketeer Influenced and Corrupt Organizations Act) parashikon ndëshkime të rënda për personat që drejtojnë ose janë të përfshirë në organizata të dyshuara kriminale, duke përfshirë dënime deri në 20 vjet burg dhe gjoba të mëdha financiare.

LEXONI GJITHASHTU:

• Huthët sulmojnë me raketë balistike hipersonike ndaj Tel Avivit
• “Nuk do ta lejoj trashëgiminë tënde të vdesë”, mes lotësh flet gruaja e Charlie Kirk