Trump: Do të ndodhë shumë shpejt, brenda një muaji mund të kemi një marrëveshje me Iranin

Presidenti amerikan, Donald Trump ka deklaruar përsëri se është i hapur ndaj mundësisë së një marrëveshjeje me Iranin. Ai gjithashtu nuk e përjashton një rast dështimi i cili mund të shkojë deri në ndërhyrje ushtarake, siç la të kuptohej. 

“Duhet të bëjmë një marrëveshje, përndryshe do të jetë shumë traumatike”, shtoi ai. 

Kur u pyet nga një gazetar nëse kishte një kohë të përcaktuar për marrëveshjen me Iranin, Trump u përgjigj se do të ndodhë shpejt.

“Mendoj muajin tjetër ose diçka e tillë. Do të ndodhë shumë shpejt. Do të flas me iranianët për aq kohë sa të dua”, tha ai.

Ai shtoi se nëse nuk arrijnë të bëjmë një marrëveshje me ta, do të kalojnë në fazën e dytë.

“Faza e dytë do të jetë shumë e vështirë për ta dhe unë nuk e dua këtë. Nuk është shumë e drejtë dhe shumë e mirë, do të jetë shumë e vështirë për Iranin”, shtoi ai.