Trump: Do të vizitoj Venezuelën, kam marrëdhënie shumë të mira me presidenten Rodriguez

Presidenti amerikan, Donald Trump tha të premten se marrëdhëniet e Shteteve të Bashkuara me Venezuelën janë shumë të mira dhe se ai planifikon të vizitojë vendin. Ai theksoi se ka një marrëdhënie shumë të mirë me presidenten e Venezuelës, Delcy Rodriguez.

Sipas tij Shtetet e Bashkuara po punojnë shumë ngushtë me Rodriguez për aksesin në naftë.

“Marrëdhënia që kemi tani me Venezuelën do të thoja se është 10”, shtoi Trump.

I pyetur nga Reuters nëse do ta njohë Rodriguezi si qeveri zyrtare, Trump u përgjigj se ajo po bën një punë të shkëlqyer.

“Po, e kemi bërë këtë. Po merremi me ta dhe me të vërtetë tani për tani ata kanë bërë një punë të shkëlqyer”, tha ai.

Shtëpia e Bardhë nuk iu përgjigj menjëherë një kërkese për koment nëse qëndrimi zyrtar i SHBA-së ndaj Zyrtarët e administratës Trump në javët e fundit e bënë të qartë se SHBA-të nuk e njihnin qeverinë e përkohshme të Rodriguez si legjitime.

Sekretari amerikan i Energjisë, Chris Wright, tha të enjten në Venezuelë se Rodriguez është presidente e përkohshme që punon me Shtetet e Bashkuara.

Nga ana e saj, Rodriguez e quajti Nicolas Maduron si presidentin legjitim të Venezuelës.