Trump i jep leje Koresë së Jugut për të ndërtuar nëndetëse me energji bërthamore

Presidenti i SHBA-së, Donald Trump, i ka dhënë miratimin Koresë së Jugut për ndërtimin e një nëndetëseje me energji bërthamore, një veprim që do ta pranonte Seulin si një vend  që zotërojë nëndetëse të tilla.

Trump u takua me homologun e tij të Koresë së Jugut, Lee Jae Myung, të mërkurën në qytetin jugor të Gyeongju, ku udhëheqësi amerikan mbërriti për një samit përpara forumit të Bashkëpunimit Ekonomik Azi-Paqësor, Apec.

Të mërkurën, ndihmësi presidencial i Seulit tha se të dy vendet kishin arritur një marrëveshje të gjerë që mbulonte investimet dhe ndërtimin e anijeve, ndërsa Trump tha se marrëveshja ishte “pothuajse” e finalizuar.

“U kam dhënë miratimin për të ndërtuar një nëndetëse me motor bërthamor, në vend të nëndetëseve të modës së vjetër dhe shumë më pak të shpejta me naftën që kanë tani”, tha Trump në Truth Social të enjten.

Ndërkohë, Koreja e Jugut i dha Trump-it kurorën e artë mes një marrëveshjeje për të zhbllokuar bisedimet tregtare prej 350 miliardë dollarësh.

Në një postim të veçantë, Trump shkroi të enjten: “Koreja e Jugut do të ndërtojë nëndetësen e saj me energji bërthamore në kantierin detar të Filadelfias, pikërisht këtu në SHBA-në e mirë të vjetër. Ndërtimi i anijeve në vendin tonë së shpejti do të bëjë një rikthim të madh”, ka shkruar Trump.

LEXONI GJITHASHTU:

• SHBA godet një tjetër anije të dyshuar për drogë në Paqësor, 4 persona humbin jetën
• Trump: Do testojmë armët bërthamore për herë të parë pas 30 vitesh