Trump komenton incidentin me avionin e Ursula von der Leyen: Askush nuk e di që…

Presidenti i Shteteve të Bashkuara, Donald Trump, ka komentuar incidentin e ndodhur me avionin e Presidentes së Komisionit Evropian, Ursula von der Leyen, i cili bëri një ulje emergjente në Bullgari më 1 shtator, pas ndërhyrjeve të dyshuara ruse në sistemin GPS.

“Epo, ajo pati një ngjarje interesante. Ajo është një grua e jashtëzakonshme,” tha Trump, duke shtuar se “askush nuk e di” pse sistemi GPS i avionit ndaloi së funksionuari.

Ai shtoi me ironi se “ata ia hoqën mundësinë për të përdorur një telefon, dhe ndonjëherë kjo është një gjë e mirë.”

Sipas autoriteteve evropiane, ndërhyrja e sinjalit GPS detyroi pilotin të ulej duke përdorur harta letre, për shkak të pamundësisë për të naviguar në sistemin automatik.

Ndërkohë, reagimi nga Moska ka qenë i ashpër. Zëdhënësi i Kremlinit, Dmitry Peskov, mohoi çdo përfshirje të Rusisë, ndërsa zëdhënësja e Ministrisë së Jashtme, Maria Zakharova, i quajti “të rreme dhe paranojake” akuzat se Rusia ishte pas këtij incidenti.

BE-ja konfirmoi se sistemi GPS i avionit të von der Leyen ishte sulmuar gjatë fluturimit të saj drejt Bullgarisë, duke e drejtuar gishtin nga Kremlini.

LEXONI GJITHASHTU:

• Trump dhe Zelensky planikojnë një bisedë telefonike, fokus Rusia
• Garancitë e sigurisë/ Zelensky do takohet të enjten me udhëheqësit në Paris