Trump: Konflikti në Izrael mund të përfundojë në Luftë Botërore

Në një konferencë për shtyp të premten në Palm Beach, Florida, ish-presidenti Donald Trump sugjeroi se lufta e Izraelit kundër Hamasit në Gaza mund të përshkallëzohej në një luftë botërore.

“Ajo që po ndodh në Izrael mund të përfundojë në një luftë botërore,” tha Trump, duke u ndalur dhe te tensionet mes Iranit dhe Izraelit së fundmi, pas sulmit me raketa në konsullatën iraniane në Siri.

Trump më pas vazhdoi duke kritikuar presidentin Joe Biden , duke thënë se ai “nuk e di se çfarë dreqin po bën”, shkruan The Jerusalemn Post.

Më herët në konferencën për shtyp, Trump i quajti Shtetet e Bashkuara një “komb në rënie”, duke komentuar fillimisht “inflacionin rekord” në vend.

Trump u ndal dhe te lufta në Ukrainë, për të cilën tha se nuk do të kishte ndodhur nëse do të ishte President.

Edhe për konfliktin Ukrainë Rusi Trump ngriti shqetësimin se mund të përfundojë në një luftë botërore.

“Ne kemi një president që nuk mund të bashkojë dy fjali, ne kemi një president që nuk mund të gjejë shkallët jashtë skenës. Ne kemi një president që nuk e di se çfarë dreqin po bën. Dhe ne mund të përfundojmë në një luftë botërore,” vuri në dukje ai përsëri.

“Kemi pak më pak se shtatë muaj deri më 5 nëntor, por kjo është një përjetësi kur njerëzit janë të paaftë”, përfundoi ai.

LEXONI GJITHASHTU:

• Trump: Nuk do e vizitojë Ukrainën si kandidat për president, s’është e përshtatshme
• Ish-presidenti Trump: Ndihma për Ukrainën të jetë në formë kredie, jo dhuratë