Trump: Nuk do e vizitojë Ukrainën si kandidat për president, s’është e përshtatshme

Donald Trump ka thënë se do të ishte e papërshtatshme që ai të vizitojë Ukrainën për momentin, teksa ai nuk mban postin e presidentit.

Sipas mediave të huaja, lajmin e ka bërë të ditur ekipi i tij i fushatës për agjencinë e lajmeve Reuters.

Ish-presidenti amerikan është kandidati republikan, që me siguri do të luftojë Joe Biden për Shtëpinë e Bardhë në nëntor.

Volodymyr Zelenskyy tha në një intervistë me ‘Bild’ këtë javë se ai e kishte ftuar Trump të vinte në Ukrainë për të parë situatën në vendin e tij dhe se ai e kishte bërë këtë kërkesë publikisht dhe privatisht.

Por fushata e Trump tha se nuk kishte pasur asnjë “ftesë formale” nga presidenti ukrainas.

“Presidenti Trump ka thënë publikisht se nuk do të ishte e përshtatshme që ai të shkonte në Ukrainë për momentin, pasi ai nuk është komandant i përgjithshëm”, thuhej në emailin e fushatës.

Kandidatët presidencialë të SHBA shpesh udhëtojnë jashtë vendit gjatë fushatave të tyre për të krijuar dhe përmirësuar lidhjet ndërkombëtare.

Plus, ish-zëvendëspresidenti Mike Pence dhe ish-guvernatori i Nju Xhersit, Chris Christie, kishin vizituar Ukrainën gjatë fushatave të tyre për nominimin republikan.

Vetë Trump vizitoi Meksikën në vitin 2016 gjatë kandidimit të tij të parë presidencial për t’u takuar me presidentin e atëhershëm Enrique Pena Nieto.

Ish-presidenti amerikan ka thënë më parë se nuk do të angazhohej për t’i ofruar Ukrainës ndihmë mbrojtëse nëse fitonte zgjedhjet e vitit 2024.

LEXONI GJITHASHTU:

• Zelensky kundër planit të Trump: S’i japim toka Rusisë
• Sanduloviç: Nëse fiton Trump, do të ketë ndikim negativ në marrëdhëniet Kosovë-Serbi