Trump lëshon urdhër për eliminimin e shtatë agjencive

Presidenti i Shteteve të Bashkuara, Donald Trump, ka nënshkruar një urdhër ekzekutiv që urdhëron çmontimin e shtatë agjencive federale, duke përfshirë atë që mbikëqyr Zërin e Amerikës dhe media të tjera qeveritare në mbarë botën.

Urdhri zbatohet për agjencitë që kryesisht merren me çështje të tilla si ndërmjetësimi i mosmarrëveshjeve të punës dhe çështjet e të pastrehëve dhe kërkon eliminimin e të gjithë punës që nuk kërkohet ligjërisht, raporton New York Times.

Gjithashtu, drejtuesve të këtyre agjencive u kërkohet “të ulin kryerjen e funksioneve ligjore dhe numrin e punonjësve në minimumin ligjor”.

Siç shkruan New York Times, lëvizja e Trump, si shumë iniciativa të tjera në përpjekjen e tij më të gjerë për të zvogëluar qeverinë, ka ngritur dyshime për kufijtë e kompetencave të tij.

Për shembull, agjencia mëmë e Zërit të Amerikës, Agjencia Amerikane për Media Globale, është një agjenci e pavarur e themeluar nga Kongresi dhe në vitin 2020 miratoi një ligj që synon të kufizojë pushtetin e drejtorit ekzekutiv të agjencisë.

Përveç Zërit të Amerikës, Agjencia Amerikane për Media Globale financon edhe Radion Evropa e Lirë dhe Radio Azia e Lirë.

Organizata, me një buxhet prej rreth 270 milionë dollarë dhe më shumë se 2,000 punonjës, transmeton programe në 49 gjuhë dhe ka një audiencë javore prej më shumë se 361 milionë njerëz.

LEXONI GJITHASHTU:

• Putin i përgjigjet thirrjes së Trump për të kursyer ushtarët ukrainas në Kursk
• Trump: Bisedimet me Putin ishin frytdhënëse, lufta në Ukrainë mund të përfundojë