Trump: Marrëveshja e mineraleve me Ukrainën do të jetë reciprokisht e dobishme

Presidenti Trump, mes shumë çështjeve të diskutuara ka folur gjatë takimit me kryeministrin britanik Keir Starmer, lidhur me marrëveshjen e mineraleve të rralla nëse SHBA do të bjerë dakord me Ukrainën.

Trump u pyet nga gazetarët se sa pret të marrë SHBA nga minierat e mineraleve dhe sa kohë mund të duhet për të parë këtë kthim.

“Nuk do ta dimë kurrë këtë përgjigje, por ne do të bëjmë një punë të konsiderueshme”, tha Trump.

Trump shton se shpreson të marrë të paktën atë që SHBA-ja i ka dhënë Ukrainës dhe thotë se marrëveshja do të jetë e dobishme për të dy vendet.

Marrëveshja për mineralet midis SHBA-së dhe Ukrainës do të sigurojë bazën për një marrëdhënie më të qëndrueshme në të ardhmen midis dy vendeve. Do të stimulojë prosperitetin afatgjatë dhe do të ndihmojë vendin të rindërtohet. Vendi është shkatërruar dhe tani ka infrastrukturë në gjendje shumë të keqe, thotë Trump.

Presidenti përsërit pretendimin e tij se administrata e tij ka përparuar më shumë në një muaj sesa paraardhësi i tij, Joe Biden, gjatë gjithë mandatit të tij presidencial.

“Qasja jonë është në thelb sens i përbashkët”, shton Trump.

LEXONI GJITHASHTU:

• Trump ndryshon qasje: Zelensky diktator? Unë e kam thënë këtë?!
• Takimi me Trump në SHBA, Starmer: Marrëveshja për Ukrainën duhet të jetë afatgjatë