Trump ndërpreu ndihmat për Kievin, kryeministri çek thirrje Evropës: Të forcohemi!

Vendimi i Presidentit amerikan Donald Trump për të ndërprerë ndihmën ushtarake për Ukrainën ka shkaktuar reagime të forta ndërkombëtare, duke shtuar presionin për ndryshime në politikat e sigurisë evropiane.

Kryeministri çek, Petr Fiala, ka deklaruar se ky vendim “thekson nevojën urgjente për një ndryshim thelbësor në politikën aktuale të Evropës”. Në një postim në X, Fiala theksoi se Evropa duhet të “forcojë aftësitë e saj ekonomike dhe ushtarake dhe të marrë përgjegjësinë e plotë për sigurinë e saj”.

Ai shtoi se ky ndryshim kërkon rritje të shpenzimeve për mbrojtjen dhe mbështetje më të madhe për Ukrainën në luftën e saj kundër pushtimit rus.

“Ne nuk mund të lejojmë që politika agresive e Rusisë, e cila na kërcënon të gjithëve, të ketë sukses,” shkroi Fiala,.

“Epoka e mbështetjes tek të tjerët për të adresuar sfidat themelore ndërkombëtare në emrin tonë ka përfunduar,” theksoi ai.

Fiala përfundoi duke thënë se “tani është koha që Evropa të kalojë me vendosmëri nga fjalët në veprim”, duke i bërë thirrje vendeve të Bashkimit Evropian që të rrisin angazhimin e tyre për sigurinë e kontinentit.

LEXONI GJITHASHTU:

• Trump ndërpreu ndihmat ushtarake, flet kryeministri i Ukrainës: Frika që kemi
• “BE-ja, objektiv strategjik”- Erdogan: Evropa s’mund të jetë fuqi globale pa Turqinë
• “Putin do trimërohet”- Reagime të ashpra në Kiev pas pezullimit të ndihmës nga SHBA