Trump në pritje të padisë, Juria e Madhe shqyrton provat e hetuesit të posaçëm

Juria e Madhe në Shtetet e Bashkuara duhet ende të vendosë nëse do të padisë ish-presidentin Donald Trump, me anëtarët e saj që po vijojnë bisedimet me dëshmitarë dhe hetues. Diskutimet nuk do të mbyllen për të paktën 1 muaj.

Më herët gjatë muajit, Trump mori një letër ku vihej në dijeni për një padi të mundshme ndaj tij, e cila nëse bëhet realitet do të jetë e treta për të për këtë vit.

Letra citon tre statute për të cilat ish-shefi i Shtëpisë së Bardhë mund të akuzohet. Ato janë: mohimi i të drejtave; komplot për kryerjen e një krimi ndaj Shteteve të Bashkuara dhe frikësim të dëshmitarëve.

“Një letër e tillë zakonisht u dërgohet njerëzve që Departamenti i Drejtësisë do t’i padisë. Që do të thotë është se hetuesit kanë mbledhur prova që lidhin një person me këtë çështje. Pra, Donald Trump me një krim që po hetohet,” – tha Eric Tucker, gazetar i “Associated Press”.

Anëtarët e jurisë po diskutojnë provat e mbledhura nga hetuesi i posaçëm lidhur me përpjekjet e Trump për të përmbysur rezultatin e zgjedhjeve të 2020-s me kryengritjen e 6 janarit.

LEXONI GJITHASHTU:

• 16 zgjedhës të rremë të Trumpit përballen me akuza për krime në Miçigan
• Trumpi thotë se është objektiv i hetimit në përpjekjet për të përmbysur zgjedhjet