Trump planifikon të “heqë qafe” Teslën e kuqe që bleu për të mbështetur Elon Musk
Presidenti Donald Trump po planifikon të “heqë qafe” Teslën që bleu në muajin mars, ka bërë të ditur një zyrtar i lartë i Shtëpisë së Bardhë për CNN.
Sipas një zyrtari tjetër, automjeti i kuq mund të shitet ose ndoshta edhe të dhurohet.
Që nga mëngjesi i sotëm, Tesla ishte ende e parkuar në West Executive Driveway, vetëm një ditë pas një përplasjeje të ashpër publike dhe në rrjetet sociale mes Trump dhe CEO-së së Tesla-s, Elon Musk.
Më parë, Trump u kishte lejuar disa anëtarëve të rinj të stafit të tij ta përdornin makinën. “Duke bërë një xhiro me Teslën e Presidentit Trump me @PressSec,” kishte postuar Margo Martin në platformën X në maj, duke ndarë një foto nga brenda automjetit, së bashku me sekretaren e shtypit të Shtëpisë së Bardhë, Karoline Leavitt.
Në mars, Trump e kishte shndërruar South Lawn në një ambient që ngjante me një sallon ekspozite të Tesla-s — një gjest i qartë mbështetjeje për Elon Musk, i cili në atë kohë shërbente si këshilltar i tij jozyrtar. Më vonë po atë ditë, Trump njoftoi publikisht se kishte blerë një Tesla për vete dhe një Cybertruck për mbesën e tij.
Automjeti i kuq, të cilin ai e bleu gjatë një përpjekjeje për të ndihmuar Musk në promovimin e kompanisë së tij, raportohet se ka qëndruar i parkuar për javë të tëra në ambientet e Shtëpisë së Bardhë.
LEXONI GJITHASHTU:
Lutjet mortore për Khamenein mbahen pa Mojtaban; djemtë e tjerë marrin pjesë
Ministri serb në Teheran për ceremoninë e lamtumirës së Khameneit
SHBA, të paktën tetë të plagosur në një incident me armë zjarri në Brooklyn
- 13:13 Protesta para Parlamentit, Prokuroria kërkon “arrest me burg” për 3 të arrestuar, “detyrim paraqitje” për të tjerët
- 12:55 Lamallari reagon pas incidenteve te Komisariati Nr. 3: Dhuna ushqehet nga gjuha e urrejtjes
- 12:28 Shpërthejnë bombolat e gazit në Maliq, përfshihet nga flakët një banesë
- 12:19 I jepet lamtumira e fundit aktorit të njohur Koço Qendro
- 12:16 Lutjet mortore për Khamenein mbahen pa Mojtaban; djemtë e tjerë marrin pjesë
- 12:13 Motorë dhe adrenalinë – Korça u gjallërua për dy net nga Moto & Rock Festival



