Trump: Pse nuk do të përdorim armë bërthamore ndaj Iranit

Presidenti i SHBA-së, Donald Trump, deklaroi se nuk do të përdorë armë bërthamore ndaj Iranit, duke theksuar se Shtetet e Bashkuara i kanë arritur objektivat e tyre ushtarake përmes mjeteve konvencionale.

Gjatë një prononcimi për mediat në Zyrën Ovale, Trump e cilësoi si “budallallëk” pyetjen e një gazetari nëse do të përdorte armë bërthamore.

“Pse do të përdorja armë bërthamore kur i kemi shkatërruar ato me armë konvencionale? Armët bërthamore nuk duhet të lejohen kurrë të përdoren nga askush”, tha ai.

Ai theksoi gjithashtu se armët bërthamore nuk duhet të përdoren kurrë nga askush.

Në vijim, presidenti iu përgjigj edhe disa pyetjeve të tjera mbi çështje të ndryshme, përpara se gazetarët të largoheshin nga Zyra Ovale.

Po ashtu Trump njoftoi se armëpushimi mes Izraelit dhe Libanit është zgjatur me tre javë. Në një postim në platformën Truth Social, ai tha se vendimi erdhi pas një takimi mes zyrtarëve izraelitë dhe libanezë në Zyrën Ovale.

Postimi i Trumpit në lidhje me takimin

“Presidenti i Shteteve të Bashkuara, Donald J. Trump, Zëvendëspresidenti i Shteteve të Bashkuara, J.D. Vance, Sekretari i Shtetit, Marco Rubio, Ambasadori i SHBA-së në Izrael, Mike Huckabee, dhe Ambasadorja e SHBA-së në Liban, Michelle Issa, u takuan sot me përfaqësues të lartë të Izraelit dhe Libanit në Zyrën Ovale.

Takimi shkoi shumë mirë! Shtetet e Bashkuara do të punojnë me Libanin për ta ndihmuar në mbrojtjen e tij nga Hezbollahu.

Armëpushimi midis Izraelit dhe Libanit do të zgjatet për TRE JAVË.

Pres me padurim të pres Kryeministren e Izraelit, Bibi Netanyahu, dhe Presidentin e Libanit, Joseph Aoun, në të ardhmen e afërt.

Ishte një nder i madh të merrja pjesë në këtë takim shumë historik! ”

Ndërkohë, zhvillime të reja janë raportuar pasi aeroplanmbajtësja amerikane USS George H. W. Bush ka hyrë në zonën e përgjegjësisë së Komandës Qendrore të Shteteve të Bashkuara dhe po i afrohet Lindjes së Mesme. Komanda publikoi një fotografi që e tregon anijen duke lundruar në Oqeanin Indian.

Nuk është ende e qartë nëse kjo aeroplanmbajtëse do t’i bashkohet flotës ekzistuese në rajon apo do të zëvendësojë një prej anijeve të dislokuara më parë.

Ndërkohë, aeroplanmbajtësja USS Gerald R. Ford vijon operacionet në Detin e Kuq, duke mbështetur sigurinë detare në kuadër të Flotës së 5-të të SHBA-së.