Trump: Televizoneve NBC dhe ABC duhet t’i hiqet licenca, janë të njëanshme
Presidenti Trump ka sulmuar televizonet e njohura amerikane NBC dhe ABC News , duke thënë për ato se sipas tij ishte mbulim “i njëanshëm” dhe tha se do të ishte në favor të heqjes së licencave të tyre nga Komisioni Federal i Komunikimeve (FCC).
Trump është shprehur se mediat i kishin dhënë atij mbulim negativ në “97%” të historive.
Nuk ishte e qartë se nga e citonte Trump shifrën “97%. Një studim i publikuar më parë këtë vit nga grupi konservator mbikëqyrës i medias, Qendra e Kërkimeve të Medias (MRC), zbuloi se mbulimi i 100 ditëve të para të presidentit në detyrë ishte “92% negativ”.
“NËSE KY ËSHTË RASTI,” shkroi Trump me përdorimin e tij karakteristik të shkronjave të mëdha, “ATA JANË THJESHT NJË KRAH I PARTISË DEMOKRATIKE DHE SIPAS SHUMË MENDIMEVE, LICENCAT E TYRE DUHET T’U REVULOHET.”
Trump tha se do të ishte “plotësisht në favor” të këtij veprimi sepse sipas tij këto media janë “kaq të anshme dhe të pavërteta, një kërcënim real për demokracinë tonë”.
Presidenti pasoi me një postim tjetër ku sulmoi të dy mediat si “LAJME TË RREME” dhe “dy nga rrjetet absolutisht më të këqija dhe më të anshme kudo në botë”.
Trump vuri në pikëpyetje pse të dy subjektet nuk po “paguajnë miliona dollarë në vit në TARIFA LICENCË”.
“Ata duhet t’i humbasin licencat për mbulimin e padrejtë të republikanëve dhe/ose konservatorëve, por të paktën, duhet të paguajnë SHUMË për privilegjin e përdorimit të valëve më të vlefshme të transmetimit kudo dhe në çdo kohë!!!” shkroi Trump. ”
“Gazetaria” e shtrembër nuk duhet të shpërblehet, duhet të ndërpritet!!!”
Kjo nuk është hera e parë që Trump sulmon mediat televizive ose kërcënon t’u heqë licencat. Vitin e kaluar, Trump zgjidhi një padi për shpifje kundër ABC për 15 milionë dollarë, dhe ai ishte i famshëm për prezantimin e emisionit “The Apprentice” në NBC përpara se të hynte në botën e politikës.
LEXONI GJITHASHTU:
Kryefaqja
Tentoi t’i arratisej policisë, shoferi përplaset me makinën që priste në semafor. 2 të vdekur dhe 1 i plagosur në Barcelonë
Trump kontrollon projektet e rinovimit në Uashington
Serbët do të vazhdojnë protestat edhe pasi presidenti Vuçiç njoftoi se do të japë dorëheqjen
- 19:47 Nis marshimi, qytetarët nisen drejt Kryeministrisë (VIDEO)
- 19:30 Incidentet në festimet për “Vidovdan”, reagon policia e Kosovës: 37 të shoqëruar për thirrje provokuese
- 19:15 Dita e 29-të e protestës, nis grumbullimi i qytetarëve në Sheshin “Skënderbej” (VIDEO)
- 18:54 Tentoi t’i arratisej policisë, shoferi përplaset me makinën që priste në semafor. 2 të vdekur dhe 1 i plagosur në Barcelonë
- 18:48 50 piktorë bëhen bashkë në festivalin ndërkombëtarë të akuarielit “Lin Aqua” 2
- 18:34 Temperaturat e larta, ISHP apelon për kujdes nga helmimet ushqimore