Trump thotë se është i pafajshëm për akuzat lidhur me dokumentat e klasifikuara
Ish-presidenti Donald Trump deklaroi të premten se ishte i pafajshëm për tre akuza të reja në lidhje me mbajtjen e dokumenteve të klasifikuara pasi u largua nga Shtëpia e Bardhë në vitin 2021.
Tre akuzat e çojnë numrin e akuzave të ngritura nga Prokurori i Posaçëm, Jack Smith për këtë çështje në 40.
Zoti Trump, kandidati kryesor për emërimin si kandidat republikan për president në vitin 2024, hoqi dorë gjithashtu nga e drejta për të qenë i pranishëm në gjykatën federale të Floridës më 10 gusht ku do të paraqiten zyrtarisht tre akuzat shtesë, sipas një dokumenti të gjykatës.
Një ditë më herët ai u paraqit në një gjykatë federale në Uashington ku tha se ishte i pafajshëm ndaj katër akuzave të aktpadisë për një komplot të paligjshëm në përpjekje për të përmbysur rezultatin e zgjedhjeve të vitit 2020.
Akuzat e reja kundër zotit Trump lidhur me dokumentat e klasifikuara përfshijnë një akuzë për mbajtje të paligjshme informacioni për mbrojtje kombëtare dhe dy akuza të tjera për pengim të drejtësisë.
Ish-presidenti Trump u paraqit në gjykatën federale në Miami më 13 qershor dhe tha se ishte i pafajshëm për 37 akuzat sipas së cilave ai mbajti në mënyrë të paligjshme dokumente të sigurisë kombëtare, përfshirë detaje rreth programit bërthamor të SHBA dhe planeve ushtarake – si edhe gënjeu zyrtarët që donin t’i merrnin ato.
Ai e paraqiti me shkrim deklarimin e tij të fundit të pafajësisë.
LEXONI GJITHASHTU:
Rubio: SHBA-ja është “e harmonizuar” me aleatët në Gjirin Persik sa i përket Iranit
Bitcoin bie nën 60,000 dollarë mes presionit në tregjet globale
Trump: Irani po bën lëshime të mëdha
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve