Trump uron Sanae Takaichi për fitoren në zgjedhjet e Japonisë: Suksese, ishte nder t’ju mbështesja

Presidenti i SHBA-së, Donald Trump, përshëndeti të dielën “fitoren dërrmuese” të kryeministres japoneze, Sanae Takaichi, në zgjedhjet parlamentare japoneze, duke i uruar asaj “suksese” në zbatimin e axhendës së saj politike ultrakonservatore.

Presidenti i SHBA-së i dërgoi një mesazh publik mbështetjeje Sanae Takaichi-t përmes platformës Truth Social.

“Sanae, ishte një nder t’ju mbështesja ju dhe aleancën tuaj. Ju uroj suksese të mëdha në zbatimin e programit tuaj konservator të përqendruar në paqen përmes forcës”, tha ai, duke e lidhur drejtpërdrejt politikën e qeverisë së re japoneze me doktrinën e parandalimit të fortë.

Kryeministri Sanae Takaichi është zotuar të shtrëngojë politikat e eimigracionit dhe e ka përshkruar potencialin e aleancës strategjike të Japonisë me Shtetet e Bashkuara si “të pakufizuar”.

Ndërhyrja publike e Trump theksoi rëndësinë që Uashingtoni i kushton ruajtjes dhe forcimit të lidhjeve me Tokion në një kohë sfidash të shtuara gjeopolitike në rajonin e Azi-Paqësorit.