Turisti gjerman vritet me thikë në një sulm Paris, arrestohet një islamist radikal

Policia franceze ka arrestuar një islamist radikal 25-vjeçar, i cili vrau një turist gjerman dhe plagosi dy persona të tjerë në Paris të shtunën mbrëma.

Pas arrestimit, ai deklaroi se sulmin e kreu për shkak se ishte i shqetësuar “për vuajtjet e myslimanëve, veçanërisht në Afganistan dhe në territoret palestineze”, me akuzën se Franca është bashkëpunëtore në këtë, tha sot ministri i Brendshëm francez, Gérald Darmanin, dhe theksoi se sulmuesi bërtiti “Allahu Akbar” (Zoti është i madh) gjatë arrestimit.

“Ky person ishte gati të vriste më shumë njerëz”, tha Darmanin gjatë një konference për shtyp.

Prokuroria franceze për luftën kundër terrorizmit ka konfirmuar se ka hapur një hetim për këtë sulm në të cilin një ekstremist islamik ndoqi me thikë disa turistë gjermanë, vrau një burrë dhe më pas plagosi dy persona të tjerë me çekiç.

LEXONI GJITHASHTU:

• Mbi 100 mijë persona marshuan në Paris, protestë kundër akteve të antisemitizmit
• Vrasja e mësuesit francez, 6 nxënës dalin para gjykatës në Paris