Turma djeg kisha në Pakistan pas pretendimeve për blasfemi

17 Gusht 2023 | 08:46

Mijëra myslimanë kanë djegur të paktën katër kisha dhe i kanë vandalizuar shtëpitë e të krishterëve në qytetin pakistanez Jaranvala, pas pretendimeve se dy burra e kanë përdhosur Kuranin – libër i shenjtë në Islam.

Policia i ka ndaluar më shumë se 100 persona dhe ka nisur hetime për dhunën që ka ndodhur në lindje të Punxhabit.

Autoritetet kanë thënë se situata në Jaranvala është e tensionuar.

Agjencia e lajmeve Reuters ka thënë se policia e ka hapur një rast edhe kundër dy banorëve të krishterë nën ligjin për blasfemi, i cili parasheh dënime me vdekje.

Deri më tani askush nuk është ekzekutuar sipas ligjit, mirëpo dhjetëra persona janë vrarë në të kaluarën nga turmat, nëse janë akuzuar për blasfemi.

Dy vjet më parë, një burrë nga Shri Lanka është vrarë nga një turmë e zemëruar, pas akuzave për blasfemi, dhe trupi i tij është djegur.

Më 2009, turmat i kanë djegur rreth 60 shtëpi dhe i kanë vrarë gjashtë njerëz në rajonin e Punxhabit, pasi ata janë akuzuar për ofendim të Islamit.

Ligji ndëshkues për blasfeminë daton prej shekullit të 19-të kur Pakistani ka qenë koloni e Britanisë.

Mirëpo më 1980, autoritetet kanë prezantuar ndëshkime më strikte për shkelje të ligjit, përfshirë dënimin me vdekje për secilin që e ofendon Islamin.

Rreth 96 për qind e popullsisë së Pakistanit janë myslimanë.

Shtetet tjera, përfshirë Iranin, Brunein dhe Mauritaninë, kanë, po ashtu, ndëshkime të ashpra për ofendim të fesë.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026