“Turpëruese”, demokratët shpërthejnë në kritika për takimin Trump-Putin

Në Uashington, ligjvënësit demokratë kanë shpërndarë kritika në rrjetet sociale lidhur me samitin e Trump-it në Alaskë.

“Kemi lutur për paqe, por në vend të saj morëm lavde për Putinin“, shkruan kryetarja e Dhomës së Përfaqësuesve, Nancy Pelosi, në platformën X.

Pelosi thotë se Putini “duhet të kthejë menjëherë dhjetëra mijëra fëmijë që i ka rrëmbyer nga Ukraina dhe të ndalojë përdhunimin e grave si armë lufte“.

Lideri i pakicës në Senat, Chuck Schumer, thotë se Trump i shtriu tapetin e kuq një “të forti autoritar”.

“Në vend që të qëndronte përkrah Ukrainës dhe aleatëve tanë, Trump qëndroi krah për krah me një autokrat që ka terrorizuar popullin ukrainas dhe botën për vite me radhë”, tha ai.

Senatori nga Maryland, Chris Van Hollen, deklaroi se Trump u “luajt” nga presidenti rus.
“Putini mori një takim në tokë amerikane, Trump u lafdërua nga Putini. Avantazhi i takon Putinit. Turp”, shkroi ai në një postim në X.

LEXONI GJITHASHTU: 

• Trump: Samit i shkëlqyer me Putin, një marrëveshje paqeje është zgjidhja më e mirë
• Takimi Trump-Putin, Zelensky: Duhet të arrihet paqja e vërtetë, jo një pauzë tjetër