Turqia arreston 4 anëtarë të tjerë të opozitës për korrupsion të dyshuar

Policia turke arrestoi sot 30 persona me akuza për korrupsion, përfshirë një ish-ligjvënës nga Partia Republikane Popullore (CHP) kryesore e opozitës dhe kryetarët e bashkive të tre distrikteve të Stambollit të drejtuara nga CHP.

Agjencia shtetërore Anadolu raportoi se arrestimet ishin pjesë e katër hetimeve të ndara për korrupsion që dyshohet se përfshinin Bashkinë e Stambollit.

Kjo përfaqëson valën e pestë të përballjeve ligjore me administratën e Stambollit që nga 19 marsi, kur kryebashkiaku Ekrem Imamoglu u arrestua me akuza për korrupsion.

Arrestimi i Imamoglut, i cili konsiderohet rivali më i madh i Presidentit turk Rexhep Tajip Erdogan, shkaktoi demonstrata të mëdha, duke kërkuar lirimin e kryetarit të bashkisë dhe liri më të mëdha demokratike në vend, raporton Reuters.

Opozita dhe mbështetësit e saj pretendojnë se arrestimi i Imamoglu-t dhe arrestimi i mëvonshëm i dhjetëra të tjerëve nga CHP-ja, ishin të motivuara politikisht.

“Këtë herë grushti i shtetit nuk erdhi me çizme dhe tanke, por me uniforma prokurorësh”, tha kryetari i CHP-së, Ozgur Ozel, para një turme mbështetësish në qytetin veriperëndimor të Duzze-s.

LEXONI GJITHASHTU:

• Rubio do të marrë pjesë në bisedimet Rusi-Ukrainë në Turqi
• Çfarë pritet nga bisedimet e propozuara në Turqi për luftën e Rusisë kundër Ukrainës