Turqia arreston dhjetëra persona pas sulmit në Ankara

Policia i ka ndaluar të paktën 67 persona të martën në Turqi, teksa e kryen një aksion për t’i shënjestruar personat e lidhur me militantët kurdë.

Aksioni është duke u kryer disa ditë pas një sulmi vetëvrasës në Ankara.

Ministri i Brendshëm turk Ali Yerlikaya, ka thënë se policia ka kryer bastisje në 16 provinca turke, duke i arrestuar 55 persona që dyshohet se kanë qenë pjesë e një “strukture të inteligjencës” të Partisë Popullore të Kurdistanit (PKK).

Të paktën 12 të dyshuar tjerë si pjesëtarë të PKK-së janë arrestuar në një operacion të ndarë në pesë provinca, ka thënë Yerlikaya në X – platformë e njohur më parë si Twitter.

PKK-ja ka kryer kryengritje disadekadëshe në Turqi dhe konsiderohet organizatë terroriste nga Shtetet e Bashkuara dhe Bashkimi Evropian.

Dhjetëra mijëra persona kanë vdekur prej nisjes së konfliktit më 1984.

Të dielën, një person e ka kryer një sulm vetëvrasës afër hyrjes së Ministrisë së Punëve të Brendshme në Ankara, disa orë para se presidenti turk, Recep Tayyip Erdogan të mbante një fjalim në Parlament.

Sulmuesi i dytë është vrarë nga forcat policore.

PKK-ja ka pretenduar se është përgjegjëse për sulmin.

LEXONI GJITHASHTU:

• U vuri flakën shkurreve dhe disa pemëve frutore, procedohet një person në Elbasan
• Pezullohen 2 degë në Universitetin “Fan S. Noli”, asnjë student i regjistruar