Turqia “blindohet” për zgjedhje, mbi 600 mijë forca në terren

Turqia ka marrë “të gjitha masat e nevojshme” për të rritur sigurinë gjatë zgjedhjeve lokale që do të mbahen në fundjavës. Lajmi u bë me dije nga ministri i Brendshëm turk.

Një total prej 594,000 personeli do të jenë në detyrë për votimet e 31 marsit që do të mirëpresin më shumë se 61 milionë votues me të drejtë vote, duke përfshirë 1 milionë ata që votojnë për herë të parë.

“Ne kemi mbajtur takime për sigurinë e zgjedhjeve me guvernatorët e provincave, komandantët e xhandarmërisë, shefat e policisë dhe shefat e tjerë përkatës të autorizuar nga njësitë” për të mbuluar analizën e rrezikut dhe për të përgatitur plane sigurie”, u shpreh ministri në një dalje për mediat.

Për këtë zhvillim u formua një bord koordinues dhe një qendër e operacioneve zgjedhore, ndërsa masat e sigurisë kibernetike u morën në koordinim me Këshillin e Lartë Zgjedhor.

Turqia zhvilloi dy zgjedhje të mëdha vitin e kaluar, zgjedhjet presidenciale dhe parlamentare, me pjesëmarrje rekord deri në 90 për qind te votuesve. Turqia zhvillon zgjedhje lokale çdo pesë vjet. Zgjedhjet e 31 marsit do të nxjerrin kryetarë të rinj bashkie dhe zyrtarët kryesorë në 81 provinca.

LEXONI GJITHASHTU:

• Turqia vendos masa ndaj Metës për ndarjen e të dhënave midis Instagram dhe Threads
• Turqia përfshihet në marrëveshjen për pastrimin e Detit të Zi nga minat