Turqia do të inspektojë për furnizimin me energji elektrike në Siri

Turqia synon të sigurojë energji elektrike për Sirinë dhe të ndihmojë vendin të forcojë infrastrukturën e saj energjetike.

Ministri i Energjisë dhe Burimeve Natyrore i Turqisë, Alparslan Bayraktar, njoftoi se një delegacion nga ministria do të shkojë së shpejti në Siri për të inspektuar infrastrukturën elektrike dhe energjetike.

Duke vënë në dukje se një delegacion nga ministria do të shkojë në Siri për të inspektuar infrastrukturën e energjisë dhe atë elektrike dhe për të diskutuar çështjet e bashkëpunimit dhe ndihmës, Bayraktar tha se “Problemi parësor në lidhje me energjinë në vend është energjia elektrike. Do të gjendet një formulë për ta siguruar këtë”.

“Duhet të sigurojmë shumë shpejt energji elektrike për zonat e Sirisë që nuk e kanë, fillimisht me importe. Në planin afatmesëm planifikojmë të rrisim edhe kapacitetin e prodhimit të energjisë atje”, tha ministri turk.

Ndër të tjera, duke rikujtuar se javën e kaluar kryeministri libanez Najib Mikati ka thënë se ata po përjetojnë probleme me energjinë elektrike, Bayraktar tha: “Në periudhën e ardhshme mund të kryhen punime lidhur me çështjen e energjisë elektrike edhe për Libanin”.

LEXONI GJITHASHTU:

• Çfarë kërkon Turqia në Siri, cili është plani i Erdogan
• Shpërthim i fuqishëm në fabrikën e eksplozivëve në Turqi, viktima e të plagosur