Turqia drejt balotazhit, të dy rivalët në zgjedhje pretendojnë fitoren

Turqia dukej se po shkonte drejt një balotazhi të zgjedhjeve presidenciale me partitë e Tayyip Erdogan dhe rivalit të opozitës Kemal Kilicdaroglu që pretendojnë secila kryesimin, por burime në të dy kampet pranojnë se mund të mos e kalojnë pragun e 50% për të fituar plotësisht.

Rezultatet e hershme të së dielës e vendosën Erdoganin në avantazh, por ndërsa numërimi vazhdoi, avantazhi i tij u ul siç pritej.

Një balotazh më 28 maj duket i mundshëm, i cili do të vononte një vendim për dy dekadat në pushtet të presidentit, shkruan Reuters.

Sondazhet e opinionit para zgjedhjeve i dhanë Kilicdaroglu, i cili kryeson një aleancë gjashtëpartiake, një epërsi të lehtë dhe dy sondazhe të premten, madje e treguan atë mbi pragun e 50%. Megjithatë shumica kishin sugjeruar një diferencë të ngushtë.

Erdogan tha të dielën se nxitimi për të shpallur rezultatet e zgjedhjeve ndërkohë që numërimi vazhdon do të thotë vjedhje e vullnetit të njerëzve, ndërsa Kilicdaroglu paralajmëroi autoritetet zgjedhore të regjistrojnë të gjitha rezultatet mbarëkombëtare.

LEXONI GJITHASHTU:

• Numërohen 9 për qind e kutive të votimit në Turqi, kryeson Erdogan
• Mbyllet votimi në Turqi, pjesëmarrja rreth 90 për qind